काठमाडौं, ९ असोज :
सत्तारुढ गठबन्धनको बैठक आज आइतबार पनि बस्दैछ । बैठक प्रधानमन्त्रीको सरकारी निवास बालुवाटारमा बस्नेछ ।
गठबन्धनका दलहरुले आइतबारदेखि प्रदेशसभाको सिट बाँडफाँटको विषयमा छलफल थाल्ने गठबन्धनका एक नेताले जानकारी दिनुभयो ।
शनिबार बसेको गठबन्धनको बैठकमा प्रतिनिधि सभाको सिट बाँडफाँटबारे छलफल भएको थियो । अहिलेसम्म भएको सहमतिलाई कायम राख्दै अब प्रदेशसभाबारे छलफल थाल्ने सहमति भएको उहाँले बताउनुभयो ।
निर्वाचन आयोगले यही असोज २३ गते प्रत्यक्षतर्फको मनोनयन दर्ताको मिति तोकेको छ । सोही कारण दलहरु छिटो सिट बाँडफाँट टुंगो लगाउनुपर्ने दबावमा छन् ।
