काठमाण्डौं, १४ माघ :
अमेरिकी खेलाडी टोमी पाउललाई हराउँदै सर्बियन टेनिस स्टार नोभाक जोकोभिच अष्ट्रेलियन ओपन टेनिसको फाइनलमा प्रवेश गरेका छन् ।
मेलबर्नमा शुक्रबार भएको दोस्रो सेमिफाइनलमा टोमीलाई ७–५, ६–१ र ६–२ ले हराउँदै ९ पटकको च्याम्पियन जोकोभिच फाइनलमा प्रवेश गरेका हुन् ।
३५ वर्षीय जोकोभिचले गत वर्ष भने खेल्न पाएका थिएनन् । कोभिड–१९ को खोप नलगाएको कारण उनलाई फर्काईएको थियो ।
अब जोकोभिचले उपाधिका लागि ग्रीसका स्टेफानोस सित्सिपाससँग खेल्नेछन् । पहिलो सेमिफाइनलमा रुसका करेन खाचानोभलाई हराउँदै सित्सिपासले फाइनलमा स्थान पक्का गरिसकेका छन् ।
मेलबर्नमा शुक्रबार भएको पहिलो सेमिफाइनलमा तेस्रो वरीयताका सित्सिपासले रुसी खेलाडीमाथि ७–६९७–२०, ६–४, ६–७९६–८० र ६–३ को जित निकाले ।
सित्सिपास पहिलो पटक अष्ट्रेलियन ओपनको फाइनलमा पुगेका हुन् ।
