काठमाडौं, १६ फागुन :
देशभर थप २ जनामा कोरोना संक्रमण पुष्टि भएको छ । पछिल्लो २४ घण्टामा १०१५ जनाको नमूना परीक्षण गरिएको थियो ।
४ सय १३ जनाको पीसीआर र ६ सय २ जनाको एन्टीजेन विधिबाट परीक्षण गर्दा २ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
मंगलबार देशभर २ जना कोरोना संक्रमित संक्रमणमुक्त भएका छन् भने ८ जना कोरोनाका सक्रिय संक्रमित रहेका छन् ।
त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
