काठमाडौं, २२ बैशाख :
शहीद स्मारक ‘ए’ डिभिजन लिग फुटबलमा बिहीबार दुई खेल हुँदैछ ।
एन्फा कम्प्लेक्समा दिउँसो ३ बजे सुरु हुने खेलमा जावलाखेल युथ क्लबले एफसी खुमलटारसँग खेल्नेछ ।
जावलाखेल आठौं तथा खुमलटार पाँचौं जितको योजनामा हुनेछ । जावलाखेल २४ अंक जोडेर शीर्ष स्थानमा रहँदा खुमलटार १४ अंक जोडेर पुछारमा रहेको छ ।
यसैगरी, त्रिपुरेश्वरस्थित दशरथ रंगशालामा हुने खेलमा नेपाल पुलिस क्लब र हिमालयन शेर्पा क्लबबीच दिउँसो ४ बजे सुरु हुनेछ ।
पुलिस र हिमालयन दुवै पाँचौं जित निकाल्ने योजनामा हुनेछन् । पुलिस १५ अंक जोडेर १२ औं स्थानमा रहँदा हिमालयन १७ अंक जोडेर दशौं स्थानमा रहेको छ ।
