काठमाडौं, २७ बैशाख :
शहीद स्मारक ‘ए’ डिभिजन लिग फुटबलमा बुधबार दुई खेल हुँदैछ ।
त्रिपुरेश्वरस्थित दशरथ रंगशालामा हुने खेलमा विभागीय टोली एपीएफ क्लब र अर्को विभागीय टोली त्रिभुवन आर्मी क्लबबीच दिउँसो ३ बजे सुरु हुनेछ ।
आर्मी १५ खेलमा २० अंकसहित तालिकाको छैटौं स्थानमा छ भने एपिएफ १९ अंकसहित ११ औं स्थानमा छ ।
यसैगरी, ३ बजे नै एन्फा कम्लेक्समा सुरु हुने खेलमा मछिन्द्र युवा क्लब र चर्च ब्वाईज युनाईटेड एक आपसमा भिडनेछन् ।
बुधबारको खेल जित्दै चर्च ब्वाइज अंक तालिकाको शीर्ष स्थानमा फर्कन चाहन्छ । लिगमा १५ खेलबाट २७ अंक जोडेको चर्च ब्वाइज दोस्रो स्थानमा छ । शीर्ष स्थानको जावलाखेल युथ क्लबको पनि समान २७ अंक नैं छ । २४ अंकसहित तालिकाको चौथो स्थानमा रहेको साबिक विजेता मच्छिन्द्र पनि आजको खेल जित्दै उपाधि होडमा फर्कन चाहन्छ ।
