काठमाडौं, १३ मंसिर : सुनको भाउ आज तीन सय रुपैयाँले घटेको छ । आज सुनकाे भाउ तीन सय रुपैयाँले घटेर ताेलाकाे एक लाख ४९ हजार तीन सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
सरकारले सुनको भन्सार दर घटाएसँगै घट्न थालेको सुनको भाउ हिजो भने सामान्य बढेको थियो । हिजो सुनकाे भाउ नाै सयले बढेर ताेलाकाे एक लाख ४९ हजार ६ सय रुपैयाँ पुगेकाे थियो ।
त्यस्तै आज चाँदीको भाउ पनि घटेको छ । आज चाँदीकाे भाउ ३० रुपैयाँले घटेर तोलाको एक हजार आठ सय रुपैयाँ कायम भएको महासङ्घले जनाएको छ ।
