काठमाडौं, २९ माघ : अखिल नेपाल फुटबल सङ्घ (एन्फा) ले अन्तर्राष्ट्रिय महिला च्याम्पिनशिपको लागि श्याम मानन्धर र भगवती थापालाई सहायक प्रशिक्षकमा नियुक्त गरेको छ । प्रतियोगिताको लागि एन्फाले यसअघि मुख्य प्रशिक्षकको जिम्मेवारी राजेन्द्र तामाङलाई दिइसकेको छ ।
तामाङले अस्ति आइतवार ३० सदस्यीय प्रारम्भिक टिम घोषणा गरेका थिए । अन्तर्राष्ट्रिय महिला च्याम्पिनशिपमा नेपालले आफ्नै घरेलु मैदानमा म्यानमार, किर्गिस्तान र लेबनानसँग खेल्ने छ ।
