काठमाडौं, १४ मंसिर :
चितवनमा जारी नेकपा एमालेको १० औँ महाधिवेशन अन्तर्गत नयाँ नेतृत्व चयनका लागि भएको मतदान सकिएको छ ।
उक्त मतदानमा दुई हजार एक सय ५३ प्रतिनिधि मध्ये दुई हजार ८१ मत खसेको छ । केही समयपछि मतगणना हुने छ । विद्युतीय मेसिनबाट मतदान भएकाले केही घण्टाभित्रै मतपरिणाम सार्वजनिक हुने अपेक्षा गरिएको छ ।
मतदाताले अध्यक्ष, उपाध्यक्ष, सचिव तथा केन्द्रीय सदस्य पदका लागि मतदान गरेका हुन् ।
