काठमाडौं, ५ मंसिर :
देशभर पछिल्लो २४ घण्टामा थप ४ जनामा कोरोना संक्रमण पुष्टि भएको छ ।
गत २४ घण्टामा ५ सय ९२ जनाको नमूना परीक्षण गर्दा ४ जनामा कोरोनाको संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
सोमबार १८ जना कोरोना संक्रमणबाट मुक्त भएका छन् भने देशभर ४ सय ६ जना सक्रिय संक्रमित रहेका छन् ।
त्यस्तै, गत २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
