काठमाडौं, १ असार :
विश्वभर अहिलेसम्म ७८ लाख ९२ हजार १३० जना कोरोना संक्रमित भेटिएका छन् । संक्रमितमध्ये चार लाख ३२ हजार ९०९ जनाको मृत्यु भएको छ ।
अमेरिकामा सबैभन्दा धेरै २० लाख ९३ हजार ८४८ जना संक्रमित फेला परेका छन् । त्यहाँ हालसम्म एक लाख १५ हजार ७३० जना संक्रमितले ज्यान गुमाएका छन् ।
नेपालको दक्षिणी छिमेकी देश भारतमा तीन लाख २० हजार ९२२ जना संक्रमित भेटिएका छन् भने नौ हजार १९५ जनाको मृत्यु भएको छ ।
अहिलेसम्म विश्वभर भेटिएका करिब ४१ लाख संक्रमितहरू उपचारपछि निको भइसकेका छन् ।
