काठमाडौं, ३ असार :
कोरोना भाइरसको महामारी पछि रोकिएको इंग्लीश प्रिमियर लिग फुटबलका खेलहरु आजबाट सुचारु हुँदैछन् । गत मार्चबाट रोकिएको प्रिमियर लिगका खेलहरु आज रातिबाट दर्शक बिनाको रंगशालामा हुनेछ ।
पहिलो खेलमा एस्टन भिल्लाले शेफिल्ड युनाईटेडसँग खेल्दा दोस्रो खेलमा शिर्ष क्लबहरु म्यान्चेस्टर सिटी र आर्सनल भिड्नेछन् । प्रिमियर लिगको जारी सिजनमा कुल ९२ खेल हुन बाँकी छ ।
लिगमा २९ खेलबाट ८२ अंक जोडेको लिभरपुल उपाधिभन्दा दुई जित मात्रै टाढा छ । एक खेल कम खेलेको म्यान्चेस्टर सिटी ५७ अंकसहित दोस्रो स्थानमा रहेको छ ।
यो सिजनका प्रिमियर लिगका खेलहरु जुलाई २६ तारिखमा सकाईनेछ । एजेन्सी
