काठमाडौं, १ फागुन : टर्कीभर भारी हिमपातका कारण विद्यालय र यातायात बन्द गरिएको छ । हिमपातका कारण दक्षिणी टर्की र देशको उत्तरी तट जस्तै सामसुन र सिनोपमा रहेका काहरामनमारस, आदियामान र मालत्याले विद्यालय बन्द गरेका छन् ।
साथै यातायात बन्द गर्न निर्देशन दिएका छन् । उत्तरी कास्तामोनु प्रान्तमा ३३५ गाउँका सडकहरू बन्द गरिएको उनीहरूले बताए । इस्तानबुलमा, इस्तानबुल महानगरपालिकाले भारी हिमपात सप्ताहान्तसम्म जारी रहने बताएको छ ।- सिन्ह्वा/न्युज एजेन्सी नेपाल
