काठमाडौं, १४ वैशाख : क्यानडाको भ्यानकुभर शहरको सडक महोत्सवमा मानिसहरूको भीडमा कार जोतिँदा धेरै जनाको ज्यान गएको प्रहरीले जनाएको छ । फिलिपिनो समुदायले ‘लापु लापु डे’ मनाइरहेको बेलामा भीडमा एउटा कार जोतिँदा अन्य थुप्रै मानिसहरू घाइते भएका बीबीसीले जनाएको छ । तर अहिलेसम्म ज्यान गुमाउने र घाइते हुनेहरूको सङ्ख्या प्राप्त भएको छैन । प्रहरीले अनुसन्धान अघि बढिरहेको र थप जानकारी दिने बताएको छ ।
क्यानडाका प्रधानमन्त्री मार्क कार्नीले सामाजिक सञ्जाल प्लेटफर्म ‘एक्स’ ‘भयानक घटना’ बाट ‘निराश’ भएको बताउनुभएको छ । यसैबीच प्रहरीले कारका चालक ब्रिटिश कोलम्बिया शहरका ३० वर्षीय पुरुषलाई हिरासतमा लिएको छ । घटनापछि सामाजिक सञ्जालहरूमा पोस्ट भएका भिडिओहरूमा मानिसहरू सडकमा लडिरहेका अवस्थामा देख्न सकिन्छ ।
यस्तै भीडमा जोतिएको कारको अगाडिको भाग कुच्चिएको छ र त्यो कार घटनास्थल नजिकै रोकिएको छ ।
