काठमाडौं, १८ माघ : इंग्लिस प्रिमियर लिग फुटबलमा आर्सनलले लिड्स युनाइटेडलाई हराएको छ । गएराति भएको खेलमा आर्सनलले लिड्सलाई ४–० गोलको फराकिलो अन्तरले हराएको हो ।
यो जीतसँगै शीर्ष स्थानको आर्सनलले दोश्रो स्थानमा रहेको म्याचेस्टर सिटीसँगको अङ्कदुरी बढाएको छ । आर्सनलको २४ खेलमा ५३ अङ्क भएको छ भने एक खेल कम खेलेको सिटीको ४६ अङ्क छ ।
समान अङ्कसहित एस्टन भिल्ला तेश्रो स्थानमा छ । यस्तै गएराति भएका अन्य खेलमा चेल्सीले वेस्ट ह्यामलाई ३–२, लिभरपुलले न्युक्यासललाई ४–१, बर्नमाउथले उल्भ्सलाई २–० ले हरायो भने ब्राइटन र इभरर्टनले १–१ गोलको बराबरी खेले । प्रिमियर लिगमा आज चार वटा खेल हुँदैछन् ।
