काठमाडौं, २८ साउन :
इटालीको आइल्याण्ड सिसिलीमा अत्यधिक गर्मी बढेर युरोपकै अहिलेसम्मको उच्च तापक्रमको रेकर्ड तोडेको छ । सिसिलीको तापक्रम ४८ दशमलव ८ डिग्री सेल्सियस पुगेको छ ।
विश्व मौसम संगठन (डब्लुएमओ) का अनुसार अहिलेसम्म युरोपमा मापन भएको उच्च तापक्रम ४८ डिग्री सेल्सियस हो । लुसेफर नाम गरेको एन्टिसाइक्लोनका कारण इटलीमा अहिले अत्यधिक गर्मी बढेको हो ।
अफ्रिकाबाट आएको लुसेफर नामक तातो हावाका कारण इटली गर्मी बढेको जनाइएको छ । उच्च वायुमण्डलीय दबाबका कारण भूमरी बनेर अघि बढेको हो ।
यो भूमरी राजधानी रोमतर्फ अघि बढेको र अन्य शहरहरु पनि गर्मीको चपेटामा पर्ने चेतावनी दिइएको छ । – एजेन्सी
