काठमाडौं, ३ असार :
प्रधानसेनापति प्रभुराम शर्माले अमेरिकासँग स्टेट पार्टसिप प्राेगाम (एसपीसी) अन्तर्गत गर्ने भनिएको सम्झौताको डकुमेन्ट सही नभएको बताउनुभएको छ ।
प्रतिनिधिसभाको अन्तर्राष्ट्रिय सम्बन्ध समितिको बैठकमा आज (शुक्रबार) सहभागी हुँदै उहाँले १० बुँदे सम्झौताको मस्यौदा भनेर जनतालाई भ्रम छर्न खोजिएको बताउनुभयो । एसपीपीको १० बुदे डकुमेन्ट सहि होइन, जनतामा भ्रम पार्न खोजियो शर्माकाे तर्क छ ।
सेनाले सरकार र विज्ञसँग छलफल नगरी केही गर्दैन भन्दै प्रधान सेनापति शर्माले एसपिपीको १० बुँदे डकुमेन्ट कसले किन ल्याएको भन्ने सेनालाई केही थाहा नभएको प्रष्ट पार्नुभयो ।
एसपिपी सेनाका लागि पनि मान्य छैन् भन्दै सरकारी तहबाट आएको पनि छैन कुनै पनि सैन्य गठबन्धनमा जानु हुन्न भन्नेमा सेना स्पष्ट रहेको बताउनुभयो । सेनाले २०७२ साल कात्तिक १० गते पठाएको पत्र सैनिक तालिमसँग सम्बन्धित नरहेको पनि उहाँले प्रष्ट पार्नुभयो ।
भूकम्प लगत्तैको समयमा विपद् ब्यवस्थापनका लागि सहयोग आदान प्रदानको उदेश्यसहित पत्र पठाइएको प्रधानसेनापति प्रभुराम शर्माले बताउनुभयो ।
