चितवन, १९ कार्तिक : प्रतिनिधिसभाका लागि चितवन क्षेत्र नं.३ का उम्मेदवार विक्रम पाण्डेले २०७४ सालमा आफूले निर्वाचन हार्दा चितवन–३ को विकास पाँच वर्ष पछि धकेलिएको बताउनुभएको छ । भरतपुर–२५ शोशीमा चुनावी सभालाई सम्बोधन गर्दै नेता पाण्डेले भन्नुभयो “पाँच वर्षभित्र धेरै हुन्थ्यो । तर, गणितीय संख्याले काम गर्न दिएन ।”
अब पनि विकासको लागि आफू तयार भएर आएकोले विकासवादी नेतालाई जिताइदिन उनले आग्रह गरे । जनताको सानो समस्यामा पनि आफू कम्मर कसेर लागेकोले अबको नेतृत्व चुन्ने जिम्मा मतदाताकै हातमा रहेको उनको भनाइ छ ।
