काठमाडौं, २१ बैशाख :
कोरोना भाइरसको महामारीको कारण इटालीमा हुने भनिएको युरोपियन रोड साइक्लिङ च्याम्पियनसिप एक वर्षका लागि पछि सरेको छ ।
आगामी सेप्टेम्बरको ९ देखि १३ सम्म इटालीको ट्रेनटिनो प्रदेशमा हुने तय भएको च्याम्पियनसिप २०२१ का लागि सारिएको हो ।
कोरोना महामारीलाई मध्यनजर गर्दै सबै पक्षसँगको छलफलपछि च्याम्पियसिप स्थगित गरेको युरोपियन साईक्लिङ युनियन युइसीले जनाएको छ ।
स्थगित च्याम्पियनसिप सेप्टेम्बर १ देखि ५ वा ८ देखि १२ मा गरिने युनियनले जनाएको छ । अबको केही महिनामा सन् २०२१ को क्यालेन्डर सार्वजनिक गर्ने युइसीले जनाएको छ ।
