काठमाडौं, ७ जेठ :

महानगरीय प्रहरी वृत्त कालिमाटीमा कार्यरत दुई प्रहरीमा कोरोना संक्रमण देखिएको छ । कालिमाटी वृत्तमा कार्यरत एक प्रहरी नायव निरीक्षक (सई) र एक जवानमा कोरोना पोजेटिभ देखिएको जनाइएको छ ।

उनीहरुको सशस्त्र प्रहरीको बलम्बूस्थित अस्पतालको आइसोलेनमा राखेर उपचार सुरु गरिएको छ। मंगलबार स्वास्थ्य मन्त्रालयले कोरोना संक्रमण देखिएको जानकारी दिएपछि बुधबार कालिमाटीमा वृत्तमा कार्यरत ९० जना प्रहरीको पिसिआर जाँच गर्न लागिएको छ ।