काठमाडौं, १५ चैत : इण्डियन प्रिमियर लिग (आईपीएल) क्रिकेटमा आज चेन्नई सुपर किंग्स (सीएसके) र रोयल च्यालेन्जर्स बेङ्गलुरु (आरसीबी) खेल्दैछन् । यो खेल चेन्नईको चेपक मैदानमा नेपाली समय अनुसार बेलुका पौने ८ बजे शुरू हुनेछ । दुवै टोलीले यसअघिको आ–आफ्नो खेल जितेका छन् ।
अङ्क तालिकामा दुवैको दुई अङ्क भए पनि रनरेटका आधारमा आरसीबी शीर्ष स्थानमा छ भने चेन्नई चौथो स्थानमा छ । यसअघिको खेलमा चेन्नईले मुम्बई इन्डियन्सलाई र आरसीबीले कोलकाता नाइट राइर्डसलाई पराजित गरेको थियो । १८ औँ संस्करणको आईपीएल क्रिकेट ‘मे’ २५ तारिखसम्म चल्नेछ ।
