काठमाडौं, १२ जेठ :
उज्बेकिस्तानलाई हराउँदै भारत एनएससी–काभा महिला भलिबल च्यालेन्ज कपको फाइनलमा पुगेको छ ।
आज शुक्रवार त्रिपुरेश्वरको कभर्ड हलमा भएको पहिलो सेमिफाइनलमा भारतले उज्बेकिस्तानलाई ३–० को सोझो सेटमा हरायो । भारतले पहिलो सेट २५–१७, दोस्रो सेट २५–२० र तेस्रो सेट २५–१५ ले जित्यो ।
आजै अर्को सेमिफाइनलमा नेपाल र काजकिस्तान खेल्दैछन् । खेल बेलुका ४ बजे त्रिपुरेश्वरको कभर्ड हलमा सुरु भएको छ ।
