चितवन, २९ भाद्र : चाङ्गान नेभो क्यु ०५ विद्युतीय गाडी चितवनमा सार्वजनिक गरिएको छ । एमएडब्लु वृद्धि अटोकोर्प प्रा.लि. अन्तरगतको अधिकृत चाङगान डिलर राजहंस अटोमोबाइल प्रा.लि.ले नयाँ नेभो क्यु ०५ विद्युतीय गाडी भरतपुरमा आइतबार साँझ सार्वजनिक गरेको हो । कार्यक्रममा प्रमुख अतिथि चितवन उद्योग वाणिज्य संघका अध्यक्ष चिरञ्जीवी सुवेदी, काडा चितवनका अध्यक्ष इन्द्र रेग्मी, एमएडब्लु वृद्धिका निर्देशक पार्थ सिकरिया र एमएडब्लु वृद्धि अटोकोर्प प्रा.लि.का प्रमुख कार्यकारी अधिकृत ज्ञानेन्द्र बहादुर चन्द र राजहंस अटोमोबाइल–चाङ्गान चितवनका अध्यक्ष दिलीप थनेतले नेभो क्यु ०५ विद्युतीय गाडी संयुक्तरूपमा सार्वजनिक गर्नुभएको हो ।
राजहंस अटोमोबाइल प्रा.लि.का अध्यक्ष दिलीप थनेतका अनुसार गाडी सोमबारदेखि आगामी भाद्र ३१ गतेसम्म भरतपुरको रिजाल चोकमा रहेको दीपल शोरुममा टेस्ट ड्राइभ समेत गर्न सकिनेछ । दीपललाई दिएको माया जस्तै नेभो क्यु ०५ विद्युतीय गाडी पनि सबैले माया गर्नेमा विश्वासले लिएको बताए । उनका अनुसार ३ जिल्ला चितवन, नवलपुर र मकवानपुरका सेवाग्राहीलाई सेवा दिने उदेश्यले चितवनमा शोरुम खोलेको बताए । सार्वजनिक गाडीको अल्ट्रा भेरियन्टका लागि ५१ लाख ९९ हजार रुपैयाँको विशेष मूल्य प्रस्तुत गरिएको छ । चाङ्गान नेभो क्यु ०५ एउटा कम्प्याट इलेक्ट्रिक एसयुभी हो । जसले कम्फर्ट, डिजाइन र टेक्नोलोजीमा ‘ए क्लास अनुभव’ प्रदान गर्ने गरि डिजाइन गरिएको एमएडब्लु वृद्धि अटोकोर्प प्रा.लि.का प्रमुख कार्यकारी अधिकृत ज्ञानेन्द्र बहादुर चन्दले जानकारी दिए ।
गाडीमा बाहिरी आकारसंगै फराकिलो र व्यवहारिक केबिन प्रदान गरिएको छ । पछाडीको सिट ब्याकमा २८ र ३३ डिग्रीका दुई वटा रिक्लाइनिङ पोजिसन उपलब्ध छन् भने सिटहरुमा एर्गोनोमिक नौ तहको निर्माण गरिएको छ । चाङ्गान नेभो क्यु ०५ मा ५४० लिटर डुअल–लेभल बुटसहित ९० लिटर लुकेको स्टोरेज, २९ वटा व्यावहारिक स्टोरेज तथा ६७ भन्दा बढी साउन्ड इन्सुलेसन तथा न्वाइज रिडक्सन पोइन्टहरु रहेका छन् । गाडीमा Q05 मा CATL Golden Shield 2.0 ब्याट्री रहेको छ, जसले ३०% देखि ८०% सम्म चार्ज हुन केवल १५ मिनेट समय लिन्छ। अन्तर्राष्ट्रिय स्तरमा अवार्ड प्राप्त यसको डिजाइनले चीनमा आफ्नो सेग्मेन्टमा पछिल्लो ५ महिनादेखि नम्बर १ एसयूभीको स्थान कायम गरेको छ ।
कार्यक्रमका प्रमुख अतिथि चितवन उद्योग वाणिज्य संघका अध्यक्ष सुवेदीले गाडी विक्रीसंगै त्यसका पार्टस् र अन्य सेवा सुविधा साथै बिक्री पछिको सेवा नै ग्राहकले खोज्ने गरेको बताए । १२० किलोवाटको इलेक्ट्रिक मोटरबाट सञ्चालित NEVO Q05 ले NEDC परीक्षणअनुसार ४६२ किलोमिटरसम्मको ड्राइभिङ रेन्ज प्रदान गर्छ भने यसको ऊर्जा खपत प्रति १०० किलोमिटर १२.९ kWh मात्र रहेको छ।
