काठमाडौं, १२ फागुन :
सुदुरपश्चिम खप्तड गोल्डकप फुटबल प्रतियोगीतामा आज रुपन्देहीका दुई टोली एक अर्काविरुद्ध मैदान उत्रदैछन् । गोल्डकपको प्रि–क्वार्टरफाईनलमा रुपन्देहिमा गोर्खा व्वाईज र सुनौलो संगम युथ क्लब प्रतिस्पर्धा गर्न लागेका हुन् ।
धनगढी रंगशालामा दिउँसो ३ बजे पछि यी दुई टोलीबिचको प्रतिस्पर्धा सुरु हुनेछ । आजको विजेताले क्वार्टरफाईनलमा संकटा क्लबको सामना गर्नेछ ।
यसअघि हिजो भएको खेलमा मदन भण्डारी स्र्पोर्टस एकेडेमीलाई ४–० ले हराउँदै नब जनजागृती युवा क्लबले प्रतियोगीताको क्वार्टरफाईनलमा स्थान बनाएको थियो ।
१२ टोली सहभागी गोल्डकपको उपाधि विजेताले २१ र उपविजेता टोलीले १० लाख रुपैयाँ हात पार्नेछन् ।
