भारतमा अघिल्लो दिनको तुलनामा मंगलबार कोरोना भाइरसको संक्रमणबाट मृत्यु हुने तथा नयाँ संक्रमितको संख्या कम भएको छ । स्वास्थ्य तथा परिवार कल्याण मन्त्रालयका अनुसार मंगलबार भारतमा कोभिड–१९ बाट १३ जनाको मृत्यु भएको छ । यस्तै मंगलबार थप ५०८ जनामा कोरोना भाइरसको नयाँ संक्रमण पुष्टि भएको छ ।

यसअघि सोमाबार एकै दिन २८ जनाको मृत्यु भएको थियो भने ७०४ जना नयाँ संक्रमित भेटिएका थिए । भारतमा अहिलेसम्म कोभिड–१९ बाट १२४ जनाको ज्यान गएको छ । यस्तै कुल संक्रमितको संख्या भारतमा चार हजार ७८९ पुगेको छ ।