चितवनको कोरोना विशेष अस्थायी अस्पताल विवादमा (भिडियो सहित)

चितवन, १७ बैशाख :

चितवनको भरतपुरमा गत चैत्र ७ गते देखि सञ्चालनमा आएको कोरोना विशेष अस्थायी अस्पताल अहिले विवादमा तानिएको छ ।

भरतपुर महानगर पालिका, चितवन उद्योग संघ, भरतपुर अस्पताल लगाएत मिलेर उद्योग संघकै प्रदर्शनी केन्द्रमा संचालनमा ल्याईएको यो अस्पतालको शंकास्पद सिसि टिभि फुटेज सोमबार राती बाहिरिएसंगै विवाद उत्कर्षमा आएको हो । कोरोना नामको अस्पताल एकातिर र उपचार भने अर्कोतिर भरतपुर सरकारी अस्पतालमा गरिएको र आर्थिक पारदर्शिता समेत नभएको भन्दै केहिदिन अघिदेखि नै गाईगुई सुनिएको थियो । यस लगत्तै सरोकार वाला निकाय सबै मिलेर उद्योग संघका अध्यक्ष राजु पौडेललाई छानबिन समितीको संयोजक तोकयो । यो समितीले पुर्णता नपाउँदै भिडियो काण्ड बाहिरिएपछि पौडेलले राजीनामा दिए ।

कोरोना विशेष नाम दिईएको यो अस्थायी अस्पताल अहिले भरतपुर सरकारी अस्पतालकै मातहतमा संचालित छ । यहाँ भएको हुनसक्ने अनियमितताबारे अख्तियार आकर्षित भएको छ भने हेटौंडा कार्यालयबाट एक टोली मंगलबार दिउँसो अस्पताल परिसरमै पुगेर महत्वपुर्ण कागजात नियन्त्रणमा लिएको अवस्था छ । यी विभिन्न घटनाक्रमहरु विकसित हुँदै जाँदा स्वास्थ्यकर्मी, अस्पताल प्रशासन, भरतपुर अस्पतालका प्रमुख मेडिकल सुपरिटेण्डेण्ट लगाएतले घटनाको बचाउमा फरक फरक विज्ञप्ति निकालेका छन् । अख्तियारले छानबिन सुरु गरिसकेको घटनामा केही भएकै छैन जसरी लिखित बक्तब्यबाजी हुनुलाई स्वभाविक मान्न सकिन्न्न ।

यतिमात्र होईन भरतपुर सरकारी अस्पतालका अध्यक्ष समेत रहेका कोरोना अस्पतालका प्रबक्ता डा. भोजराज अधिकारीले त विज्ञप्ति मार्फत सामान सार्न लाग्दाको फुटेज बाहिरिएको सम्म भन्न भ्याएका छन् । घटनामा राजनितिक रङ मिसिन थालेको भान हुन्छ । यसबारे कुरागर्न खाज्दा उनले हामीसंग बोल्न मानेनन् ।

हाल करौंडौ लगानीको यो कोरोना विशेष अस्थायी अस्पताल उपयोग बिहिन जस्तो देखिएको छ भने कोरोनाको उपचार समेत भरतपुर सरकारी अस्पतालमै सञ्चालन गरिंदा थप जटिलता उत्पन्न भएको छ । स्वास्थ्य सेवा प्रभावित भएको छ । भरतपुर अस्पताल आउँने बिरामीहरुले यस्तो गुनासो पाखेका छन् ।

आम जनताको प्रत्यक्ष स्वास्थ्य संग सम्बन्धित विषयहरुमा खेलवाड गरिनु हुँदैन । प्रदेश सरकारको एक करोड प्रत्यक्ष लगानी का साथै अरु थुप्रै निकायबाट प्राप्त करौंडौंको लगानीमा संचालन गरिएका संरचनाहरु यत्तिकै प्रयोग बिहिन नहुन् । चर्चाका लागि मात्रै काम नहोस् । र अस्पतालमा अनियमिता भएको रहेछ भने दोषीलाई उन्मुक्ति नहोस् । हाम्रो भन्नु यक्ति ।

हेर्नुहोस् भिडियो.

 

संबन्धित शिर्षकहरु

सुनको भाउ तोलामा एक लाख ७० हजार रुपैयाँ नाघ्याे

हमासले बन्धक रिहा नगरे युद्धविराम रद्ध गर्ने अमेरिकी राष्ट्रपति ट्रम्पको चेतावनी

आपत्कालीन कोषमा योगदान गरेकोमा डब्ल्यूएचओबाट नेपाललाई धन्यवाद ज्ञापन