काठमाडौं, १४ फागुन :
स्पेनिस ला लिगामा रियल मड्रिड र एट्लेटिको मड्रिडले बराबरी खेलेका छन् ।
गएराति भएको ‘मड्रिड डर्बी’ मा युवा फरवार्ड अल्भारो रोड्रिग्वेजले गोल गरेपछि रियल मड्रिड हारबाट जोगिएको छ । घरेलु मैदानमा रियलले १० खेलाडीमा समेटिएको एट्लेटिको मड्रिडसँग १–१ गोलको बराबरी खेलेको हो ।
खेलको ६४औँ मिनेटमा नै एट्लेटिको १० खेलाडीमा समेटिन पुगेको थियो । खेलको ७८औँ मिनेटमा एट्लेटिकोका जोश जिमिनेजले गोल गरे । तर खेलको ८५औँ मिनेटमा अल्भारोले गोल गरेपछि खेल बराबरीमा सकिएको हो । बराबरीसँगै दोस्रो स्थानमा रहेको रियलको २३ खेलमा ५२ अङ्क छ ।
एक खेल कम खेलेको बार्सिलोना ५९ अङ्कका साथ शीर्ष स्थानमा छ । एट्लेटिको ४२ अङ्कका साथ चौथो स्थानमा छ ।
