हेटौँडा, ११ फागुन :
गृहमन्त्री रामबहादुर थापा“बादल”ले सेक्युरेटी प्रेस मामिलामा आरोपित नेकपा नेता तथा पुर्व सञ्चार मन्त्री गोकुल बासकोटाको विषयमा सरकारले पनि छानबिन गर्ने बताएका छन् ।
बागमती प्रदेशको सुरक्षा समितिको बैठकलाई आज हेटौँडामा संवोधन गर्दै गृहमन्त्री बादलले बास्कोटा प्रकरणलाई छानविनको माध्यमबाट समाधान गरिने बताए ।
सरकारले एमसिसिलाई नेकपा नेताहरुको कार्यदलले बुझाएको रिर्पोट अनुसार छलफल गरेर पास गर्ने भन्दै उनले नेकपाको सरकारले कालापानीमा भएको भारतीय हस्तक्षपको कुटनीतिक तबरले समाधान गर्ने बताए ।
नेपालका पछिल्लो दुई वर्षमा आर्थिक बृद्धिदर ७ प्रतिशत हुनु राम्रो संकेत भएको भन्दै उनले सरकारले यो वर्षलाई विकास प्रारम्भको वर्षको रुपमा लैजाने बताए । अघिल्लो वर्ष विकासको आधार तय गरिएको र यो वर्ष विकासको प्रारम्भको वर्ष हुने उनको भनाई रहेको थियो ।
