काठमाडौं, १५ मंसिर :
सुनसरी क्षेत्र नम्बर ४ बाट नेपाली काँग्रेसका उम्मेदवार एवं सञ्चार तथा सूचना प्रविधि मन्त्री ज्ञानेन्द्रबहादुर कार्की निर्वाचित हुनुभएको छ । कार्कीले निकटतम् प्रतिस्पर्धी नेकपा (एमाले) का उम्मेदवार जगदिश प्रसाद कुसियैतलाई १ सय १२ मतान्तरले पराजित गर्नु भएको हो । कार्कीले ३० हजार ४ सय ८३ मत ल्याएर निर्वाचित हुनुभएको हो ।
एमाले उम्मेदवार कुसियैतले ३० हजार ३ सय ७१ मत प्राप्त गर्नुभयो । कार्की २०७४ सालमा पनि यहि निर्वाचन क्षेत्रबाट विजयी बन्नु भएको थियो ।
