काठमाडौं, ६ माघ :
नव नियुक्त प्रतिनिधिसभाका सभामुख देवराज घिमिरेले पद तथा गोपनीयताको सपथ ग्रहण आज लिँदै हुनुहुन्छ । आज बिहान ११ बजे शीतल निवासमा राष्ट्रपति विद्यादेवी भण्डारीसमक्ष उहाँले पद तथा गोपनीयताको शपथ लिने कार्यतालिका छ ।
शपथ लिए लगत्तै उहाँ लैनचौरमा रहेको सहिद स्तम्भमा माल्यार्पण गर्न जाने कार्यक्रम छ । त्यसपछि साढे १२ बजे सिंहदरबारस्थित संसद् सचिवालयमा पुगेर उहाँले आजै पदभार सम्हाल्ने कार्यक्रम छ ।
घिमिरे बिहीबारको प्रतिनिधिसभा बैठकबाट बहुमतका आधारमा निर्वाचित हुनुभएको थियो । प्रतिनिधिसभामा उपस्थित दुई सय ६८ सांसद मध्ये घिमिरेले एक सय ६७ मत प्राप्त गर्नुभएको थियो । उहाँको विपक्षमा एक सय मत परेको थियो ।
