काठमाडौं, २८ चैत :
शहीद स्मारक ‘ए’ डिभिजन लिग फुटबलमा आज दुई वटा खेल हुँदैछन् । लिगको आठौँ चरण अन्तर्गत आज एउटा खेल एन्फा कम्प्लेक्स र अर्को खेल च्यासल मैदानमा दिउँसो दुई बजे सुरु हुनेछ ।
एन्फा कम्प्लेक्समा जावलाखेल युथ क्लब र त्रिभुवन आर्मी क्लबबीच खेल हुनेछ । जावलाखेल ७ खेलमा १४ अङ्कका साथ दोस्रो स्थानमा छ । आर्मी समान खेलमा ९ अङ्कक साथ आठौँ स्थानमा छ ।
यस्तै, च्यासल मैदानमा साविक विजेता मच्छिन्द्र फुटबल क्लब र एफसी खुमलटारबीच खेल हुनेछ । मच्छिन्द्र ७ खेलमा ९ अङ्कका साथ नवौँ र खुमलटार ७ खेलमा ७ अङ्कका साथ दशौँ स्थानमा छ ।
